™®¬¥ منتدى ستار لك ™®¬¥
مرحبا بك بين زهور الإبداع ...ورحيق الأخوة.. وشهد المحبة ...
عبر بوابه الصداقة والمحبة والأخوة في منتديات ستار لك ومرحبا بقلمك معنا هنا ..
ونأمل أن تجد ضالتك من الفائدة والمنفعة بين سطور وحروف كتاب
وننتظر أريج قلمك لتعطر به اركان وصفحات هذا الصرح الشامخ
اليــــوم هــــب علينـــــــــا آثيــــــر جديد
يحمــــــــل معــــه آشــــــواق مُحـبـــــــــه وواعـــــــــــده ..

.................................................. .

* ((( هلا وغلا ))) *
كلنــــــا سعـــــــاده وبهجـــة بأنضمــــامك لمنتدانا منتدى ~كلنا أشـــــواق نتشووق لحــــروفك ووميـــــض عطــــــــائك
لتزهرـرـر الدنيــــا بقربكـــــم وروود
ويفــــووح عبيـــر مع****ــــم ويملــئ الوجـــــوود
يامرحبا بلووون السمــــا وعطر الوفـــــا



قلوب تفيض بالمحبه وأفــئــدة تــنــبــض بــالــمــودة
وكــلــمــات مــفــعــمــة بــروح الأخــوة
نــقــول لــك مليووون مرحبا ومليار هلا وغلا
حــيــاك الــلــه فــي منتدى ستار لك نــنــتــظــر أجــمــل الإبــداعــات وأرق الــكــلــمات
مــن بــيــن أنــامــلــك الــذهــبــيــة
أهلاً وسهلاَ بك ..
فتفضل وسجل نفسك أيها ألأخ/ألأخت العزيزة في بيت النجوم.

™®¬¥ منتدى ستار لك ™®¬¥


 
الرئيسيةاليوميةمكتبة الصوربحـثالأعضاءالمجموعاتالتسجيلدخول
http://www.comvb.co.cc

شاطر | 
 

 +-*/+*مفاجئة من العيار التقيل ..... نكة...مغربية..أو بداريجه ...... أكثر من 60 نكتة تنتظر*-/+-*

اذهب الى الأسفل 
كاتب الموضوعرسالة
Mr ziiko
مدير
مدير


ذكر
الجدي
عدد المساهمات : 50
تاريخ التسجيل : 14/04/2010
العمر : 27
الموقع : www.star4love.c.la

مُساهمةموضوع: +-*/+*مفاجئة من العيار التقيل ..... نكة...مغربية..أو بداريجه ...... أكثر من 60 نكتة تنتظر*-/+-*   الإثنين مايو 03, 2010 5:48 am

السلام عليكم و رحمة الله تعالى و بركاته


.
.
.
.
.
.
.
.
.
.
أهلا وسهلا بكم اخواني اخواتي




*هادو واحد الناس ساكنين حدا السكة ديال الترن و فيمااا كيدوز الترن كتبقى الدار كتهزهز و البيبان ديال الماريو كيطيحو..و كول مرة كيجيبو النجار كيعدلوم و يمشي ومللي كيدوز الترن مرة أخرى عااوتني كيطيحو.....
واحد النوبة جابت المرا النجار و عدلو و قالتلو والله ماتمشي حتى يدوز الترن و نشوفو شغيوقع... بقاو كيتسناو و هو يجي راجلها.... النجار بالتلفة دخال تخبع فالماريو و هو يدخل راجلها و فتح لماريو لقاه وخنزر فيه و قالو شكدير هنا ؟
و رد عليه النجار قالو مغتيقنيشي إلا قولتلك كنتسنى الترن.



*هدا واحد البوليسي د الطريق النهار كامل ما صور والو . ملي قرب يسالي الخدمة وقف واحد الطوموبيل راكبة فيها مرى. قالها عندك لوراق قالتلو عندي. البولات خدامين قالتلو خدامين..... الحاصول بقا كيصقصي غيرباش تدور معاه و هي كلشي عندها هو هاداك. ملي شاف راسوا غدي يضيع ..قال ليها عندك المسجلة قالتلو عندي. قال ليها عندك الداودي جاوبتوا عندي و هو يقول ليها تلقيه. ملي تلقاتو البوليسي بدا كيشطح و قال ليها علقي لخوك...


هدا واحد أحول...... تسجل في الجيش ...... حطوه في قسم القصف العشوائي.



هادا واحد دار اهو يتكرى

هادا واحد لعوج مات دفنوه في فيراج

هادا واحد تكى على دار فالشوكه او هي تدك

ها واحد الحمار شاف فالمرايه هو يقول والله حتى انا عود

هادا واحد لواحد هما يتعادلوا

هادو2مشاو للحمام واحد حك وواحد صندوق


جوج بنات دافعين كبير شافو حادث سيارة

وحدة كالت للثانية ho le pauvre est reste dans moi مسكين بقا في

ردت الاخرى LE PAUVRE LA BEBLIOTHEQUE SUR LUI مسكين مكتابة عليه


5-قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد كيبسال عليا..
قال لها الأستاذ: إيوا راه خاص توصلي بكري ماشي تعطلي!!!
جاوباته: لااا..راه كان كيتمشى بشويا.......

6- هذا واحد ..مريض بالقلب..و خاصه قلب جديد..إيوا جا للمغرب..تلاقى بشمكار..قاله : هاك 10 د المليون و بيع لي قلبك أنت حياتك ضايعة..ضايعة..جاوبه الشمكار..زعم أ صاحبي..هاك الدوارة كاع..


-قاليك هذا واحد سكرااان داز فضو لحمر هو يوقفو لبوليسي قاليه آ سي راك دزتي ف ضو لحمر قاليه سكران ومشي شي حمورية.

2-قاليك هاذ واحد هو أو صحبتو غادين كايتسراو فدروبا أو حشمانين . بقاو ساكتين وحد شوية قاليها قوليلي شي كلمة حلوة ..قاتليه سكارة .قاليها لا شيحاجا كتجمعنا قاتليه سطافيط


-**********************************



6-هذا واحد ساط غادي إشري 10 دراهم تاع لحشيش بانت ليه سطافيط هو يلوح 10 دراهم




داب هادو شي شبعانين و مساليين مشاو لواحد القنت وجمعوا كاع الكدابة باش يشوفو شكون الواعر فالكدوب

سولو الاول قال ليهم انا واحد النهار حليت التلاجة ولقيت الاسكيمو كايتساراو فيها

وسولو التاني وقال ليهم انا كنت ماشي واحد النهار ولقيت الملك فالزنقة وديتو يتغدى معايا وفالتالي قتلتو ورجعت ملك

وسولو التالت وقال ليهم انا واحد النهار كنت فالغابة وكانت عندي قرطاسة وحدة وتلاقيت معا واحد السبع وضربتوا وزكلتوا وكلاني (والفاهم يفهم)


قال ليك هادا واحد الاستاد رسم للتلاميد ضفدعة وقال ليهوم اش هادي

وهو ينوض واحد الكسول للسبورة وهو يقول ليه هادي جرانة قال ليه الحمار

هادي راه ضفدعة و هو يرجع داك الكسول لبلاصتو وقال لصاحبو العجب

كاتبان من البعد بحال شي جرانة


-قال ليك هذا واحد دار هو يصبغوه

2-قال ليك هذا واحد شرا ستيلوا(قلم) خضر هو يطبوا

3-قال ليك هذا واحد مشا لراس الدرب هو يلقاه صلع

4-قال ليك هذا واحدطاحت عليه فكرة هي تفلقوا

5-قال ليك هذا واحد شرب قهوة هما يوحلوا ليه الكراسة

6-قال ليك هذا واحد سول صاحبوا قال ليه واش هاد اليليفون خدام قال ليه صاحبوا لا كيقرا

7-قال ليك هذا واحد العزوة مشا يشري ستيلوا ( قلم ) حكل جربوا فييدوا ردوا لمول المكتبة قال ليه ماكيكتبش


واحد السيد خون تريكو و اعطاه لولدو يبيعو هو يتخون لولدو وفاش رجع سولو بوه بشحال بعتيه قال ليه براس مالو
- هاذا واحد خيي حط طابلة وملقى مايحط عليها ، هو يحط عليها الباطل !!!!
2- جوج بنات غاديين ، واحد سكران خسر معاهم الهدرة ، حشمو ، واحدة ولات حمرة ، وصحبتها ولات سكنجبير


هذا واحد المكلخ شرى كرطون ديال لحليب ورق التاريخ ديالو فات مشى هو زورو وشربو
هههههههههههههههههههههههههههههههههههههههههههه


هاذا واحد السيد ديما خاون شي حاجة من دارهم واحد النهار هو يخون بورتابل لخوه و هما يعيقو بيه و تاصلو بي لنمرة ديال لبورتابل اللي خون و قالو ليه رجع البورتابل راه باقي جديد و هو يقول ليهم و توما غير اللي تخونت في الدار لاصقوها فيا.
هدا واحد راسو كبير ديما كيقول ليه واحد ولد دربهم{لباس نتا ماشي ملك،و ناري كون كنتي نتا ملك ديما ديما كيقول ليه هكاك } واحد أنهار أو هو إسولو علاش ديما كاتقول ليا هاد لهدرا

أوهو يقول ليه:و كون كنتي نتا ملك ملك كون كانت درهم قد الصينية




هادة واحد سراق الزيت كان كيتفرج فالتلفازا و هو يدوز اشهار بايكو و هو يسخف و دجا عندو باه و قال ليه ياك قلت ليك متفرش فالافلام د الخلعة ههههههههههه

هادا واحد عندو الدجاج و كيوكلهم القمح و الشعير و واحد الملرة جاو عندو البوليس و قالو ليه اش كتوكل لدجاج ديالك قا ليهم القمح... قالو ليه مزيان ناس كيموتو بالجوع و انت كتوكل... سلخوه و جاو عندو مرة اخري و قالو ليه نفس السوال قال ليهم الزبل و الوسخ--حاشاكم-- و قالو ليه بغيتي تمرد الناس سلخوه تاني مزيان المرة التالتة قالو نفس السوال قال ليهم كنعطيهم اللفلوس يشريو بوحدهم هههه


واحد دخل مطعم ... وطلب واحد مشوي .... وواحد عصير ... وواحد رز .... وواحد يدفع الحساب

قاليك هذا واحد راجل ماتت ليه مراتو أو ملي مشاو إدفنوها كلش تعجب هوما غادين أهوا ميت بضحك سولوه صحابو علاش كيضحك .أوقاليهم تخيلو معايا لأول مرة كنعرف مراتي فين غادة




قال لك هذا واحد جا يضرب الصداق أو جابها فالعدول
قال لك هذا واحد جراتلو كرشو أوهوة يجري مورها
قال لك هدا واحد وقفلو قلبو أهو يعطيه الكرسي



ههههههههههه
قال لك هدا واحد بغا يبني المستقبل ديالو ; ولكن ما لقاش الياجور هههه
قال لك هدا واحد بغا يقطع الطريق ; ولكن ما لقاش لمقص هههههههههه
قال لك هدا واحد بغا يضرب تلفون ; ولكن بقا فيه مسكيييييييييين هههه
قال لك هدا واحد طاحت عليه فكرة ; هرساتلوا راسو ههههههههههههه
قال لك هدا واحد تلفو ليه النكت ؤ ما لقا مايقول هههه مسكين


هدا واح طويل شرب الحليب هو يموت عرفتوا علاش ماوصليه الحليب لكرشوا حتى خسر

قليك حمار دجبال مغديش يدخل الجنة حيت تينقل بيه الكيف

قليك هدي وحد المرءة شرفة شرات تلفزة جديدة منين شعلتها لقت الكرة شدات صطل ديال الما اكبت عليها اقلتليهم سيرو تلعب فباب دركم
قالك هدا واحد خينا فوقما تيدخل لطوبيس تيقطع جوج ورقات.واحد النهار سولو لي تيقطع الوراق علاش ديما مقطع 2 وراق قالو الا طاحت وحدة نلقى اخرى.ضحك عليه و قالو ويلا طاحو بجوج.جالو عندي لاكارت.هههه

قليكوحد شرى ستيلو خدر هوة ايطيبو

دا واحد جالس كيتقهوا مع راسوا هويوقف عليه واحد قال سميتك سعيد

هو يقول آه هويشبعوا اعصى هو يمشي بحالوا وهداك لي كلاها بدا تيضحك

هما يسولوه ناس هاد لعصا كلها ومازال تتضحك

هو يقول ليهم راه تفليت عليه راه ما سميتيش سعيد


هادا واحد الرجل عندو زغبة وحدة فراسو تزوج وحدة عندها جوج زغبات ولدو واحد عندو عشرة الزغبات سماوه
.............
...............
.............
..............
المغوفل

قال ليك هذا واحد رجل بغا إشري لحولي (الكبش)في العيد
مشا إسول بنهار لقى غير لغلا في الثمن هو يشري واحد صغير
تم جايب على عنق بالليل هو إشوفوا لعساس قال ليه بصحة لكاشكول أ أحمد.




-واحد البرهوش ضااااااصر ديما تايجبد لمو صداع واحد النهار هي تسد عليه فالدار طلع لييييييه الدم هو يطلع لسطاح طل من لفوق هو يبان ليه واحد جار كلبو (كنيش) هو يطلق واحد لحجرة كبيييييرة هو يقتلو ليه مول الكلب اش درتي اهيا قاليه البرهوش ونا يعضنييي

-واحد معندو لرجلين ليدين جا لباب دار ديالو ا تايقول دقداقو ا دقداق شي 15 لدقيقةعاد حلات ليه بنتو هو يقول ليها مالكي مابغيتي تحلي لمك هو يقول ليها بفمو سمرملاق سمرملاق شتف شتف شتف(تايضربها)


كان مسافر واحد النهار من تطوان في اتجاه الرباط يالله شد الطريق السيار أو هو يشعل الراديو هو يسمع المديعة قالت : هنا الرباط إداعة المملكةالمغربية

هو يقول بشاخ على الحديد ها أنا دغية وصلت في الرباط



هذا واحد خاينا جاي منير ب 4x4 ف الاوتوروت ... واحد لوقيتة ضربات ليه دبانة ف الباربريز فرشخاتو كامل ، السيد بقا فيه الحال كال او دبانة او دارت هذ الحالة و الله ايتا نديها ندير ليها التحاليل، منين خرجو التحاليل لقاو عندها لحجر ف لكلاوي ...
الرجوع الى أعلى الصفحة اذهب الى الأسفل
http://www.zikostar4.skyblog.com
????
زائر



مُساهمةموضوع: رد: +-*/+*مفاجئة من العيار التقيل ..... نكة...مغربية..أو بداريجه ...... أكثر من 60 نكتة تنتظر*-/+-*   الأربعاء مايو 12, 2010 12:49 pm

ههههههههههههههههههههه

بازجار فطستني ضحك مشكوور
الرجوع الى أعلى الصفحة اذهب الى الأسفل
Mr ziiko
مدير
مدير


ذكر
الجدي
عدد المساهمات : 50
تاريخ التسجيل : 14/04/2010
العمر : 27
الموقع : www.star4love.c.la

مُساهمةموضوع: رد: +-*/+*مفاجئة من العيار التقيل ..... نكة...مغربية..أو بداريجه ...... أكثر من 60 نكتة تنتظر*-/+-*   الأربعاء مايو 12, 2010 5:20 pm

تسلم على الضحكات الحلوة لا تحرمنا من ضحكاتك اِنتظر الجديد
الرجوع الى أعلى الصفحة اذهب الى الأسفل
http://www.zikostar4.skyblog.com
 
+-*/+*مفاجئة من العيار التقيل ..... نكة...مغربية..أو بداريجه ...... أكثر من 60 نكتة تنتظر*-/+-*
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
™®¬¥ منتدى ستار لك ™®¬¥ :: المنتديات الادارية :: قسم أرشيف المواضيع القديمة-
انتقل الى: